الأرتباط يا دبله في اليمين يا دبله في الشمال غير كدا اسمه استهبال

[img][ندعوك للتسجيل في المنتدى أو التعريف بنفسك لمعاينة هذه الصورة][/img]
"الأرتباط" مؤخرا الكلمه دي طلعلها مسميات كتير
وبقى السؤال التقليدي لأي حد دلوقتي انت مرتبط رسمي ولا عاطفي هوا اصلا يعني ايه ارتباط عاطفي
يعني مصاحبه
يعني الأخ اللي انتي ماشيه معاه ده يقربلك ايه
يعني لو ماشيين مع بعض في الشارع وقبلتك واحده صحبتك من زمان وجيتي تعرفيها عليه هتقوليلها ايه

صاحبي !!
ولا هتقوليلها محسن ابن عمتي

طب بلاش انتي تعرفيه لصحابك

لما تبقوا ماشيين مع بعض بردو وهوا قابل واحد صاحبه المرادي هيعرفه بيكي ازاي

هيقوله فلانه صاحبتي !!
ترضيها على نفسك انك تبقي فحيات الشخص اللي بتحبيه مجرد صاحبه

مع علمنا ان المصطلح ده غربي اصلا يعني لو بصينا الغرب بيستخدموا المصطلح ده ازاي اكيد مش هتبقى فخوره اوي انك صاحبته ولا هوا صاحبك

او بلفظ اشيك شويه

مش هتبقى فخوره ان انتي الجيرل فريند بتاعته ولا هتبقى فخوره ان هوا البوي فريند بتاعك

بالعكس دي حاجه تكسف

ليه مايبقاش اول واحد احبه واديله مشاعري وقلبي يبقى هوا خطيبي او جوزي

ليه ماتبقاش اول كلمه حلوه اسمعها من خطيبي او جوزي

ليه مايبقاش اول رقم راجل غريب يتحط على موبايلي يبقى رقم خطيبي او جوزي

ليه مايبقاش خطيبي او جوزي اول راجل فحياتي

ليه مايبقاش خطيبي او جوزي فخور اني معرفتش قبله حد وانه الأول والأخير

ليه اضيع على نفسي فرصه اني اشوف نظره فرحه فعيون خطيبي او جوزي لما اقوله انك اول واحد تقولي كلمه حلوه

ليه اسمح لحد مايستهلش اي حاجه اني اديله حبي واسلمله قلبي عادي كدا في حين اني عارفه ان الموضوع بايظ بايظ

هوا لو بيحترمك مش هيخرج معاكي وايدك فايده ومش هيخلي حد يلسن عليكي بكلام ملوش لازمه

لو بيحبك هيتكسف يجي يسلم عليكي وصحابه معاه عشان مايخليش صحابه يشوفوكي لأنه بيغير عليكي

لو بيحبك هيعمل المستحيل عشان يجي يخطبك

لو بيحبك كان رضي على اخته انها تعمل زيك

لو بيحبك هيغير عليكي من نفسه عشان هوا مايبقالكيش حاجه

بلاش تعملي حاجه تقللك قدام نفسك

عشان فيوم من الأيام لما بنتك تعمل زيك تقدري وبقلب جامد تقوليها ده غلط وعيب
واهم من الغلط والعيب انه حرام

طب هوا الحب حرام؟

لأ الحب مش حرام بس لو في الطريق الصح
مفيش حاجه اتحرمت غير لأسباب مهمة جدا

يعني ليه الخمرا حرام ؟
عشان مضره وبتغيب العقل

ليه السجاير حرام؟
عشان بتجيب سرطان

ليه لحم الخنزير حرام؟
عشان بيجيب كل الأمراض المستعصيه عشان الخنازير غذائها الأساسي الزباله

طب ليه الصحوبيه حرام؟
عشان مضره لسمعه البنت
وبتكسر قلبها عشان في كل الأحوال يا بتبقى علاقه فاشله او لو كملت بالزواج بيبقى زواج فاشل
وعشان الأسلام جمييل بيحافظ ع المرأه وبيصونها وبيصون كرامتها
وهيا مع ذلك بتكسر قلبها بأيديها
وتديه لواحد مايستهلوش

مايستهلوش ايه ده بيحبني ووعدني انه هيجي يتقدملي بعد مايكون نفسه

مووووت يا حماااااااااار

جربي كدا تعملي عليه حوار وتقوليله

الحقني يا فلان بابا جايبلي عريس وهاييجي يتقدملي رسمي يوم الخميس اللي جاي واهلي موافقين عليه
مش هعرف ارفضه زي المرات اللي فاتت والراجل مافيهوش غلطه عشان اتحجج بيها

الحل الوحيد انك تيجي بكره تقعد مع بابا

وادي دقني ان عبرك ولا جه
وهتلاقي الكلام اللي بيتقال

طب انا فايدي ايه اعمله
اروح لابوكي واقوله انا طالب لسه باخد مصروف من اهلي وجاي اطلب ايد بنت حضرتك ونعيش ع المعونه بقى لغايه ماربنا يفرجها

انا لسه ورايا هم مايتلم ع الأقل لسه قدامي 7 سنين ع الأقل لغايه مااتخرج وادخل الجيش واشتغل واجيب شقه وشبكه و عفش

وانتي حتى مش راضيه تقفي جمبي وتساعديني وتستنيني

وانا اللي كنت فاكرك بتحبيني

مش عايز اعرفك تاني وانا ندمان اني عرفت واحده زيك

وهيطلعك انتي اللي غلطانه وخاينه

خليكي غاليه ومترخصيش نفسك مع حد لا هيصونك ولا بيحبك وخلى مشاعرك غاليه ولو خانتك
واتعلقتى بحد خلى حبك جوه قلبك لكن صحوبيه لااااا والف لاااا وما تعمليش حاجه تقللك فى نظر نفسك او فى نظر اى حد وحاولى تبقى اقوى من مشاعرك وتكون معاملتك لاى حد فى حدود وفى اطار الدين والادب والاحترام
وخلى مبدأك فى حياتك الارتباط يادبله فى اليمين يا دبله فى الشمال غير كده اسمو استهبال

_________________________________________________________________________

Girls are like apples on trees the best ones are at the top of the tree the boys donot want to reach for the good ones because they are afraid of falling and getting hurt instead they just get the rotten apples from the ground that arenot as good but easy so the apples at the top think something is wrong with them when in reality they are amazing they just have to wait for the right boy to came along the one who have brave enough to climb all the way to
the top of the tree
I love you

بعد الكلام ده بقى ممكن بقى تمسحى كلمه I LOVE YOUدى
والا اقولك امسحى YOUبس
واكتبى بدالها ALLAH
وليه لاء وهو احق بكل حبك
[img][ندعوك للتسجيل في المنتدى أو التعريف بنفسك لمعاينة هذه الصورة][/img]
ليه كتير من البنات بتقول
لاء صعب اسيب حبيبى
مش هقدر اعيش من غيره
حاولت كتير صدقينى مقدرتش
ازاى فى يوم وليله اقوله نفركش
اسمحيلى اقولك حبيبتى
لو حب ربنا ورسوله فى قلبك اكبر
مكنتيش هتقولى الكلام ده
كنتى هتقولى لاء مستحيل انا مغشش
اه للاسف غشيتى يا مسلمه
اه غشيتى يا خساره اهلك اهل مستأمناكى على نفسك
وغشيتى قلب قال هتصان لحد ما يجى الأوان
وغشيتى زوج صالح لسه مجاش وف قلبك غيره عاش
واهم من ده كله غشيتى ربك ورسولك
هما اولى بحبك من اى حد ولو زاد حبهم فى قلبك مش هحتطى فيه اى حد
هتسيبى بس مكان متشال لزوج صالح جاى يصونك مش واحد مستنياه فى لحظه يخونك
ممكن بقى تشيلى من قلبك كل اللى فيه ده فضيه يا مسلمه من كل حب ممكن تأذيه
وسيبيه لحد ما يجى الوقت ويندهلك حب ربنا راضى عنه وانت كمان ترضيه لقلبك
وبلاش استعجال نصيبك هيجيلك لحد عندك اصله عمره ما هيجى بصحوبيه وذنب من ايدك عمال ياخدك
اعرفى يا اجمل مخلوق فى الدنيامن ترك شىء لله عوضه الله خيراً منه
ولو مش متأكده من كلامى ده ليكى بقولك اهو زى ما انتى خليكى
بس متنسيش تفتكرينى اما ندمك يملاكى ياريتك تسمعى نصيحتى ليكى
وقولى لا والف لاء للصحوبيه
انا قلبى ده ملك ربى و الأرتباط يا دبله في اليمين يا دبله في الشمال
غير كدا اسمه استهبااااااال

كلالامك جميل جدا يا فلاور بس مييين عنده عقل دلوقتى ...

فعلااا كتيير بقوا ما بيستخدموش عقولهم فى تصرفاتهم ربنا يهدى شباب وبنات المسلمين ... شكرااا يا أحمد عالكومنت

» سراب اسمه الحب